Gin-extend tubtub bwas ang suspension sang klase sa tanan nga levels sa ciudad sang Bacolod bangud sa Tropical Depression Paeng.
Kaina, nagpagwa sang Executive Order No. 51 si Bacolod City Mayor Alfredo Benitez nga nagamandu sang suspension sang klase sa tanan nga public kag private schools sa ciudad halin Oktubre 27 tubtub 28.
Suno kay Dr. Maria Laarni Pornan, pinuno sang Bacolod City Disaster Risk Reduction and Management Office, nagpauli man gilayon ang mga evacuees kaina.
Santo sa data sang CDRRMO, masobra 60 ka pamilya ang nag-evacuate sa Barangay 35, 36, 39, Singcang Airport, Pahanocoy kag Barangay Mansilingan apang wala na sang evacuees sa mga evacuation centers bangud madasig man lang nagsubside ang tubig.
Wala naman sang may napilasan nga mga pumuluyo.
Kaina, nagsapol ang City Disaster Risk Reduction and Management Council angot sa dugang nga preparasyon sa Bagyo Paeng.
Bangud ginforecast sang PAGASA nga nalakip ang Visayas sa mga makaeksperyensya sang madamol nga ulan bwas, nagdesisyon si Benitez nga iextend nalang ang class suspension agud nga indi na magpadulong sa mga eskwelahan ang mga estudyante kag mga manunudlo.
