Arestado ang isa ka konduktor sang bus nga nagpakuno-kuno nga nahold-up matapos ginpierde sa online gambling ang P17,000 nga income sa pagbiyahe sa Quezon City.
Santo sa report, nangayo sang bulig ang 48-anyos nga konduktor sa mga nagapatrolya nga kapulisan sa EDSA Balintawak sang Lunes.
Ginhambal sini nga ginhold up siya kag nakuha ang kwarta.
Apang suno sa mga kapulisan, lain-lain ang mga nangin pahayag sang konduktor kag matapos ang imbestigasyon natukiban nga wala sang hold up nga natabo.
Suno kay Lieutenant Colonel Jose Luis Aguirre, Commander sang La Loma Police Station, sang gintsekyar nila ang CCTV footage wala sang natabo nga pangpang hold up sa lugar.
Samtang nagapadayon ang imbestigasyon sang kapulisan, nakigkoordinar ang mga representative kag mga kaupod sang konduktor tubtob nga gin-ako sini nga nagastos niya ang kwarta sa online gambling.
Gin-aresto ang lalaki nga lima ka bulan palang nagatrabaho bilang konduktor.
Santo sa record sang kapulisan, napriso na sadto ang suspect sa Bulacan sa kaso may kaangtanan sa ilegal nga druga.
Ginpasakaan ini sang kaso nga unjust fixation kag qualified theft.
