Ginpahayag sang konsehal kag abogado sa ciudad sang Bacolod nga sa pag-intindi sini ang Senado isa ka continuing institution gani nagapadayon ang kinahanglan nga solbaron nga issue.
Mahibaluan nga nagpahayag si Sen. Francis Tolentino nga makonsiderar na nga “functionally dismissed” ang impeachment trial ni Vice President Sara Dutert kun mapaslawan ang Senado nga matapos ang trial antes ang Hunyo 30,2025.
Sa interview sang Bombo Radyo Bacolod kay Councilor Atty. Renecito Novero, natunga na ang opinyon sang mga mamalidha angot sa impeachment trial apang para sa iya naga-upod ini sa ideya nga ang Senado isa ka continuing body indi kaangay sa House of Representatives nga tubtob lang sa tatlo ka tuig ang termino.
Suno diri, kun mayorya sa mga Senador nagdesisyon nga padayonon ang trial, ini ang padayonon.
Pahayag ni Novero, luyag sang prosecution team nga mapresentar ang ebidensya batok sa bise presidente agud mapakita kag mapabati sa pumuluyo ang ila bahin.
Samtang, sa kampo naman ni Duterte ila ginatinguhaan nga indi madayon ang trial kag bisan si Senate President Chiz Escudero ang guilty man suno kay Novero bangod ginapadelay sini ang trial.
Sa opinyon ni Novero, ang mga Senador sadto dedikado sa ila trabaho kag wala naga-giyo santo sa partido para sa pumuluyo kag ini ang malayo sa pamatasan sang mga Senador sa karun.
