Kontrobersyal nga government contractor nga si Sarah Discaya, indi akig sa pagparody sa iya ni Michael V

Ginpahayag sang abogado sang contractor nga si Sarah Discaya nga wala ginaka-akig sang iya kliyente ang karakter sang komedyante nga si Michael V. nga si “Ciala Dismaya.”

Suno kay Atty. Cornelio Samaniego III, okay lang kay Discaya ang ginhimo ni Michael V. kag nakahibalo man ang iya kliyente nga ang skit nga himoon sini nakabase sa kontobersiya nga flood control project kun sa diin involved diri si Discaya.

Suno pa diri, wala sang violent reaction diri ang iya kliyente.

Pa-athag ni Samaniego, ginarespeto nila ang trabaho sang komedyante kag wala sang problema diri.

Nag-viral sa social media ang karakter ni Michael V. nga si “Ciala Dismaya,” nga naga-anggid kay Discaya sang nag-attend ini sa Senate Blue Ribbon Committee.