Gin-ako sang retired television presenter kag actress nga si Kris Aquino nga nahidlaw na ini kun ano man siya sadto sang maayo pa ang iya ikaayong lawas.
Suno sa abyan ni Kris nga si Dindo Balares, sa karun yara sa isa ka private resort si Kris kag nagakaon sang organic food bangod nahidlaw na ini sa mga homemade nga pagkaon.
Suno diri, naghambal si Kris sa iya nga nakita na sa karun sang mga abyan sini ang iya kalbaryo.
Sang ginpamangkot ni Balares ang aktres kun ano ang nagatulod sa iya kun ngaa bisan papaano malipayon ini, sabat ni Kris nga mahapos lang para sa iya magkadlaw bisan sa gamay lang nga butang.
Kag suno pa sa aktres ang tawo nga nalipay sa iya kabuhi ang makabig na nga isa ka winner.
Ginshare man ni Kris nga nahidlaw na gid siya sa iya kaugalingon kun ano man siya sadto kag sa naagyan sini sa karun masakit para sa iya ang iya nagakaeksperyensyahan.
Samtang, suno naman kay Dindo, sang nabatian sini ang ginhambal ni Kris, wala ini nakahibalo kun ano ang iya isabat.
