Kris Aquino, nagpasalamat sa tanan nga nagapangamuyo para sa iya nga pag-ayo

Nagpasalamat sa social media si Kris Aquino para sa tanan nga tawo nga padayon nga nagapangamuyo sa iya pag-ayo.

Sa latest nga Instagram post, ginpakigbahin sang Queen of All Media nga nag-untat ang iya pagginhawa sang nagpaidalom sia sa PICC line procedure matapos nga wala nag-function ang iya baga.

Suno kay Kris, wala sia nagginhawa sa sulod sang 2 ka minutos.

Kasunod sini, nagpasalamat ang aktres sa tanan niya nga doktor kag medical staff sa pagsalbar sang iya kabuhi.

Sa katupusan sang post sini iya ginpakigbahin sini ang lyrics sang kanta nga “Let It Be” sang The Beatles nga nahanugod sa peace kag acceptance sa tion sang mga pagpanghangkat.