Ginalantaw sang political analysts nga mahimo mangin opportunidad ang crisis nga ginaagyan sang bise presidente sa karun bangud sa iya nga impeachment.
Sa interview sang Bombo Radyo Bacolod kay Atty. Jomax Ortiz, bisan ano pa nga sugid madamo sagihapon ang mga supporters sang mga Duterte.
Suno kay Ortiz, kaangay lamang sang natabo sa Ati-Atihan sa Cebu nga gin-“boo” sang mga pumuluyo sanday Senator Riza Hontiveros kag Bam Aquino kag ang iban nagsinggit nga Duterte gani nahuy-an ang Senadora.
Suno diri mahimo mapamatud-an man sa Pilipinas ang ginhambal ni Winston Churchill, ang anay Prime Minister sang United Kingdom nga “in every crisis, there is an opportunity,” kun sa diin ang krisis nga pagpaimpeach sa bise presidente ang mahimo man nga isa ka opportunidad.
Ginpahayag man sang political analysts nga madamo ang nagtipyok nga nagpirma sa ikaapat nga impeachment complaint batok kay Vice President Sara Duterte bangud naaprubahan na ang 2025 General Appropriations Act kag makita ini bisan sa Negros Occidental bangud anum ka mga kongresista ang nagpirma kasubong man ang mga kongresista sa Panay.
Suno diri, ini ang nagapakita lamang nga pila lamang kabilog ang may virtue nga magtindog batok sa bribery.
Dugang pa sini nga wala man siya nagapati nga ang pagpaimpeach sa bise presidente ang indi agud mapamatud-an sini kun ini bala guilty sa akusasyon batok diri kundi agud nga mantsahan ang pangalan sini.
Samtang ginpahayag man sini nga nagapati siya nga bisan nagapadayon ang campaign period sa 2025 elections mahimo magpadayon ang impeachment trial bangud nagapati ini nga kinahanglan ini santo sa luyag sang administrasyon kag ini ang tumanon bangud kun indi mahimo nga islan si Senator Chiz Escudero bilang Senate President.
Sa pihak nga bahin, tion nalang ang makahibalo kun madayon ang impeachment sa labing una nga kahigayunan batok sa bise presidente kun ini magatuga sang People Power 3.
