Kun ginatipon mo ang mga utod nga kuko kag nagakinahanglan ka sang kwarta, mahimo mo ini ibaligya bilang traditional medicine ingredients sa China.
Kun kaisa, mag-utod kita sang kuko ginahaboy lang ini apang sa Chinese traditional medicine, ini nga mga kuko importante nga ingredients para sa abdominal distension sa mga kabataan kag tonsilitis.
Ang mga kompanya nga nagabakal sang mga kuko, nagabakal sa mga eskwelahan kag mga villages nga ila ginahugasan kag ginapamala kag ginapudpud tubtob nga mangin powder.
Ini gina-mix sa mga medicinal products.
Bangod ang isa ka adult mahimo lang makapalaba sang ila kuko tubtob sa 100 grams kada tuig, mabudlay ang pagkolekta sa mga ini kag mataas pa ang presyo sang baklanay.
Ang paggamit sang kuko sang tawo sa Chinese traditional medicine naghuyang sang tuig 1960s sang nagpopular ang nail polish kag madamo na sang nadiskubrehan nga mga ingredients nga may kaangay nga epekto sa kuko.
Apang sa karun, kaangay nga may comeback na ang paggamit sang kuko sang tawo sa medisina.
Apang, pahanumdom lang, kun nagaplano ka nga ibaligya pa gid ang kuko mo sa tiil, wala nila ini ginabaton.
