Isa ka kuring sa Eastern China ang maswerte nga nakaluwas matapos ini nga aksidente nga na-trap sang napulo ka minutos sa sulod sang naga-andar nga washing machine.
Ang kuring nga ginhingadlan kay Jintiao ang nakita lamang sang iya tag-iya sa sulod sang drum pagkatapos sang cycle.
Suno sa report, minor injuries lang ang naangkon sang kuring.
Sa isa ka follow-up video makaligad ang duha ka adlaw, makita nga nagabalik ang kusog ni Jintiao kag daw wala lang sang may natabo.
Apang nakakuha ini sang madamo nga kritisismo gikan sa mga netizens kag madamo ang nagpangakig kag gin-akusahan ang tag-iya nga pabaya.
Nagpaandam naman ang veterinary experts sa mga tag-iya sang sapat nga masami nga tsekyaron ang sulod sang mga gamit kaangay sang washing machine kag dryer antes ini paandaron.
