May yara kita sang mabatian nga mga hambalanon sang mga katigulangan nga kwarta na, nangin bato pa.
Naimagine mo na bala nga nagdaog ka sa lotto apang indi mo makuha ang gindag-an mo kantidad bangud sa kakulang sang valid ID? Ini ang problema nga ginapangatubang sang undocumented nga Algerian sa Belgium.
Ang lalaki ang nagdaog sa lotto apang wala ginhingadlan bangud sa obvious nga man nga rason matapos nga nagpadulong ini sa isa ka shop sa Zeebrugge, ang Belgian port city kag kilala nga transit point para sa migrants kag refugees, kag nagbakal sang scratchcard kun sa diin nagbayad ini sang 5 euros kag nagdaug ini sang 250,000 euros ukon $270,000.
Ginkakibot niya man ini gani ginpaverify niya ang premyo sa iya nga abyan kag gindouble check man ini sa tag-iya sang shop.
Ini na kuntani ang kahigayunan agud nga mabag-o na ang iya kabuhi apang wala ini nadayon bangud ang 28 anyos nga nagdaug sa lotto ang undocumented immigrant sa Belgium.
Siya ang nagpadulong sa nasambit nga European country nagikan sa Algeria nga wala sang bisan ano nga dala, wala sang bagahe, wala sang kwarta kag wala sang papeles.
Wala ini sang dokyumento nga makapamatuod sang identity sini kag mandatory nga ginarequire sang Belgium National Lottery.
Ang lucky card ang yara na sa paghinakop sang korte sa banwa sang Bruges kag nagpromisa man ang mga otoridad nga indi sang mga ini pagpadeport ang lalaki nga Algerian antes pa man sini makuha ang premyo nga nadag-an.
Kun makuha sang 28 anyos ang mga identification papers sini kinahanglan niya magpadulong sa lottery authority headquarters agud nga siya ang maverify.
Dapat may yara ini sang bank account nga nakapangalan sa iya kag dapat may yara siya sang ginbuksan nga bank account sa idalom sang pangalan sini kag legal nga address.
Ang scratchcard ang nagaexpire sang isa ka tuig gani may yara lamang sang 11 ka bulan ang nagdaog agud makompleto ang rekisitos agud makuha ang premyo nga makapabag-o sang iya nga kabuhi.
