Humalin kahapon, namonitor na nga may-ara sag La Niña condition sa Tropical Pacific.
Ini paagi sa pagmonitor sa temperatura sa kadagatan sa bahin sang Equatorial Pacific.
Bangod sa La Niña condition, lauman ang mahimo mas mataas sa normal nga mga pag-ulan halin Oktubre tubtob Pebrero sa masunod nga tuig partikular na sa nasidlangan nga bahin sang pungsod.
Nakaandan na nga sa last quarter sang kada tuig, ang nasidlangan nga bahin sang pungsod amo ang mas makaeksperyensya sang mataas nga tyansa sang mga pag-ulan.
Mahimo nga mas madamo man nga Bagyo ang magasulod sa Philippine Area of Responsibility bangod sa La Niña kag mahimo man nga magbaskog pa ang hangin nga dala sang Easterlies ukon ang hangin gikan sa Dagat Pacifico.
Samtang wala naman sang tyansa nga magsulod sa PAR ang ginamonitor nga Low Pressure Area sa Southern part sang Vietnam.
Ini ang ulihi nasiplatan 445 km sa nakatungdan sang Pag-asa Island, Kalayaan, Palawan.
Apisar nga indi makasulod sa PAR, ang trough ukon extension sang LPA ang makatuga gihapon sang lapnagon nga mga pag-ulan partikular na sa nakatungdan nga bahin sang Central kag Southern Luzon.
Kalakip sa apektado sang Trough sang LPA ang Palawan, bahin sang Bataan, bahin sang Zambales, Metro Manila, Batangas, Cavite, kag Occidental Mindoro.
Samtang makatuga man sang lapta-lapta nga mga pag-ulan ang Southwesterly Windflow ukon ang hangin gikan sa naaminhan-nakatungdan.
Apektado sini ang nakatungdan nga bahin sang Visayas kag Mindanao.
Wala naman maayo sang makita nga gal-om sa Northern Luzon, nga nagapakita nga mangin makanay ang panahon, kasubong man sa nabilin pa nga bahin sang pungsod.
