Wala nagakaigo suno sa General Alliance of Workers Association (GAWA) ang pahayag ni Presidential Adviser on Poverty Alleviation Larry Gadon nga imagination lamang ang poverty sa Pilipinas.
Santo sa latest poverty incident report, nahibaluan nga 23.4 percent sang kabug-usan nga Pilipino ang yara sa below poverty line threshold nga katumbas sang 25.7 million gikan sa 110 million Filipino.
Sa interview sang Bombo Radyo Bacolod kay GAWA Secretary-General Wennie Sancho, santo sa Philippine Statistics Authority ang poverty line ang yara sa monthly income nga P13,000 para sa pamilya nga may lima ka miyembro.
Suno kay Sancho nga sa basic needs, madamo sang para na lamang sa food kag shelter ang ila nga income kag wala na sang para sa clothing.
Suno diri, halin paman sadto masami kwestyonable na ang mga statement ni Gadon, rasun kun ngaa ini ang nadisbar na sang Korte Suprema.
Ginalantaw ni Sancho nga sa tuman ka luyag ni Gadon nga magpa-impress kay President Ferdinand “Bongbong” Marcos Jr. ang statement sini ang unrealistic na.
Nahibaluan nga isa sa panindugan ni Gadon amo ang maayo nga resulta sang Poverty Alleviation program nga nakapaayo sa ekonomiya.
Aminado si Sancho nga madamo sang maayo nga programa ang Marcos Administration, apang dapat gihapon lantawon kun ano ang matuod nga sitwasyon sang pumuluyo.
Pahanumdom sini nga ang kada statement ang wala na lamang nagapakita sang personal sini nga opinyon kundi nagareflect sa ginakaptan sini nga pwesto.
Panindugan ni Sancho nga ang statement ni Gadon ang contradictory sa kun ano ang matuod nga sitwasyon sang pungsod.
