BACOLOD CITY — Wala na napunggan sang presidente sang unyon sang mga empleyado sang Bacolod Our Lady of Mercy Specialty Hospital (BOLMSH) nga maghibi sa dalayon na nga pagsirado sini.
Hulyo 31 sang opisyal na nga nagsira ang BOLMSH kasunod sang pagdeny sang Philippine Health Insurance (Philhealth) sang ila accreditation kasunod sang isyu sang nakomiter sini nga fraudulent act.
Ang ginareklamo lang ni Sante Mamon, presidente sang unyon sang mga empleyado sang hospital bangud wala pa gani sang desisyon ang Philhealth sa ginfile sang nagadumala karun sang hospital nga Motion for Reconsideration dalayon na ini nga nagsira.
Madumduman nga nagligad nga Hunyo nagpatunga na si Mayor Evelio Leonardia agud magfile sang MR ang karun nga tagdumala sang hospital nga Negros Health Care Management System Incorporated (NHCMSI).
Suno kay Mamon, pwedi man lang nga hulaton ang desisyon sa MR antes desisyunan ang pagpasira sang hospital.
Tuman kasakit pa sa bahin sang mga empleyado ang resulta sang closure bangud indi 100% kundi katunga lang sini ang bayaran sang NHCMSI sa lima ka tuig nga ginpasalig nga bayaran sini sa ila termination.
Nahibaluan nga Disyembre 2018 pa kuntani maga-expire ang lease contract sang NHCMSI sa tag-iya gid sang hospital nga Chong Bi Inc.
401 ka mga empleyado ang nadulaan sang trabaho sa pagsirado sang BOLMSH.
