Lahar Flow, malauman kun may-ara sang mga pag-ulan kasunod sang paglupok sang Bulkan Kanlaon; Posibilidad sang “Big One” wala ginadula

Lauman ang possible nga lahar flow kun may ara sang mabaskog nga pag-ulan sa malapit nga mga suba kasunod sa paglupok sang Bulkan Kanlaon.

Sa interiew sang Bombo Radyo kay Ptolemy Maniego, Science Research Assistant sang Philippine Institute of Volcanology and Seismology (PHIVOLCS) Kanlaon Volcano Observatory, moderately explosive eruption lang ang natabo sa summit sang bulkan kag ginpaathag nga nakadepende sa anti-seismic recordings sang PHIVOLCS kun ini ang makabig nga “Big One”.

Suno kay Maniego, base sa ila nga record nangin evident ang posibilidad sang “Big one” apang wala pa nahibaluan kun san-o ini matabo.

Sa karun, padayon pa ang pagmonitor sang mga otoridad sa aktibidad sang Bulkan.

Suno diri, nagapabilin sa gihapon sa Alert Level 2 ang Bulkan Kanlaon, gani yara gihapon sa 4 km Permanent Danger Zone ang ginadumilian nga estaran.

Samtang, wala naman sang narekord nga ash emmision kahapon.

Mensahe sini ilabi na sa mga malapit nga pumuluyo nga mangin alerto kag mag monitor sa opisyal nga abiso sang ahensya.