Lainlain nga pamaagi sang pagpanguma, ginarekomendar sang Department of Agriculture bangod sa mahimo epekto sang El Niño

Ginrekomendar sang Department of Agriculture (DA) sa mga mangunguma nga maggamit sang nagkalain-lain nga pamaagi sa pagpanguma bangud sa posibilidad nga maeksperyensyahan ang El Niño halin Hunyo tubtob Agosto 2026.

Suno sa DA, bilang pagpanghanda, dapat maggamit ang mga mangunguma sang drought-tolerant seeds, magtanom sang short-gestations crops kag i-practice ang water-saving methods kaangay sang rainwater harvesting.

Pahayag sang ahensya nga paagi sini, mapahagan-hagan ang epekto sang El Niño phenomenon.

Samtang, ginpanugyanan naman ang mga mangingisda nga bantayan ang kalidad sang tubig kag kondisyon sang mga palangisdaan agud malikawan nga mamyerdihan.