Ginreklamo sang Chinese nga lalaki ang iya former employer nga nagkakas sa iya sa trabaho bangod masami ini nga nagakadugayan sa sulod sang banyo kun sa diin ang pinakamalawig sini nga tinir nagdangat tubtob sa apat ka oras.
Ang lalaki nagatrabaho bilang engineer sa isa ka kompanya sa Jiangsu Province sa sulod sang isa ka dekada.
Sa depensa sang kompanya, nagpasa sila sang surveillance footage, nakit-an ang lalaki nga sa sulod sang isa ka bulan nga trabaho sini, may 14 ka malawig ini nga bathroom break kag ang pinakamalawig nagdangat sa apat ka oras.
May ginpasa man sila nga ebidensya nga gina-contact sang management ang lalaki bangod masami nila ini nga indi makit-an kag wala man ini nagareply.
Samtang, napasa naman sang haemorrhoid medicine ang engineer kag sang iya surgery records.
Ginpatihan sang korte ang kompanya bangod nagasololobra na ang oras nga ginagamit sang engineer para magbanyo kag wala man ini nagpahibalo sang iya health problem.
Matapos ang duha ka trial, may settlement sa duha ka bahin, kun sa diin ang kompanya magahatag sang allowance sa engineer para sa iya past contributions kag compensation para sa iya kabudlayan pinansyal bangod wala na ini sang trabaho.
