Wala pa sang identity ang lalaki nga gin-utdan sang ulo kag ginhal-id sa Hacienda Sagrado 2, Barangay 16, Talisay City alas 10:15 kagab-i.
Suno kay Police Lt. Marion Vicente Buenaflor, deputy chief of police sang Talisay City Police Station, ang ulo ang nasapwan sa tunga sang dalan, sa unhan lamang sang lawas sini nga ginhal-id naman sa kilid dalan.
Ang biktima ang wala sang bayo kag nagasuksok sang itom nga dilargo.
Siya ang ginabanta naga-edad sang 35 tubtob 45-anyos, maniwang kag may kataason nga 5-feet-4.
Nagakulob ang lawas sini, nakagapos ang kamot sa likod kag may mga lagob sa likod kag dughan.
May yara man ini sang gunshot wound sa ulo.
Siya ang may tattoo nga “M.D. 4 BOYS” sa iya natuo nga abaga.
Sa karun ginahibalo pa ang identity sang biktima.
