Nagpadulong sa estasyon sang Bombo Radyo Bacolod ang isa ka persona agud nga magdangop sa Ipa Bombo Ta segment matapos nga gin-alegar nga siya ang ginkastigo.
Sa interview sang Bombo Radyo Bacolod kay Arnel Agudo Magbanua, aminado man ini nga may sala siya bangud natampa sini ang isa ka bata kag naigo ini sa ilong bangud naaburido ini matapos nga siya ang ginsunlog kag gintawag nga buang.
Suno kay Magbanua, nagutom na siya kag nakapoy sang nasambit nga tion gani napatup-an niya ang Bata.
Suno diri, sang natabo ang insidente siya ang ginpatawgan ka pulis kag gilayon man nga naaresto, kag ini ang wala na nagbato pa.
Dugang pa niya nga pag abot sa Bacolod Police Station 2 gin-alegar sini nga may nagkastigo sa iya, apang indi maathag kun sin-o ang nangastigo.
Apang isa sa nagkastigo sa iya ang nakilala sini nga si certain “Nacion,” isa ka jailer.
Suno kay Magbanua nakilala niya ang gina-alegar nga police bangud siya ang makatatlo naman ka beses nga napriso.
Nakaagom ini sang samad sa lawas kag sa iya nga tiil.
Suno diri, nabudlayan ini magginhawa ukon magbangon sa tion nga maghigda.
Sa karun nagapanawagan siya sang bulig bangud Wala na siya sang inugbakal bulong.
Si Magbanua ang nagatrabaho bilang manugpanahi sapatos kag barker.
Samtang ginpahayag naman sang ni Bacolod City Police Office Director Police Col Eugene Rebadomia, bukas ang mga kapulisan sang Bacolod City sa imbestigasyon angot sa gin-alegar nga pagpangkastigo sang isa ka police.
Suno kay Rebadomia, ipablotter sang biktima ang natabo.
Suno diri, dapat sang yara pa ini sa Bacolod Police Station 2 nagreklamo na ini.
Suno sa City Director, ang mga kapulisan ang bukas naman sa anuman nga imbestigasyon.
