Arestado ang duha ka persona matapos makuhaan sang masobra P400,000 nga balor sang suspected shabu sa drug buybust operation sa Prk Kagaykay, Brgy 2, Bacolod City alas-3:13 kaina sang kaagahon.
Sa impormasyon sang Bombo News Team, ang subject ang ginkilala nga si Lester Villanas alyas Ta, 37 anyos, residente sang Sinonoc Sinacaban, Misamis Occidental, kag temporaryo nga nagapuyo sa lugar; kasubong man si Menandro Batillano alyas Boy, 53 anyos, kasado, residente man sang nasambit nga lugar.
Sa operasyon sang City Drug Enforcement Unit sang Bacolod City Police Office, narecover ang isa ka knot tied transparent plastic bag, kag pito ka sachet sang suspected shabu, kasubong man ang isa ka cal. 45 pistol nga loaded sang magazine nga may-unod nga duha ka bala.
Ang suspected shabu ang ginabanta nagabug-at sang 60 gramos nga balor P408,000.
Apang nahimo nga makapalagyo ni Villanas sa pag-aresto, samtang nakahunong na sa karun sa Bacolod Police Station 2 si Batillano.
