Isa ka lalaki ang nagbugtaw gikan sa operasyon nga Espanyol na ang ginahambal nga lenggwahe.
Ang lalaki ang ginkilala nga si Stephen Chase, nga 19 anyos ang edad sang ini ginpaidalom sa knee surgery.
Sang matapos na ang surgery, nakahibalo na ini maghambal sang tul-id kag hapsay sang lenguahe nga espanyol apisar nga one to ten lamang ang sarang sini nga isambit bag-o ang operasyon.
Nagdangat sa 20 minutos ang kalawigon sang iya nga paghambal sang nasambit nga lenguahe antes nga magbalik sa iya orihinal nga English language.
Suno sa amay sang lalaki, wala ini makadumdom nga sarang makig-estorya sa linguahe nga espanyol ang iya nga bata.
Sa ulihi, gindiagnose ang lalaki sang Foreign Language Syndrome, isa ka makatilingala kag talagsaon nga kondisyon medikal nga may yara lamang sang kapin 100 ka kaso nga narekord sa bug-os nga kalibutan humalin pa sang 1907.
Suno sa mga eksperto, mahimo nga matabo ini bangud sa injury sa utok ukon tumor, psychological stress, kag general anaesthesia.
