Sa subong nga panahon madamo na sang mga nagahimo sang live videos apang dapat kita nga maghalong bangud mahimo nga kita ang makasuhan kun makuhaan sang atun camera ang indi dapat nga makuhaan.
Sa Argentina, nagreklamo ang isa ka lalaki bangud nga na-capture ini sang Google Street View camera samtang nagahublas sa gwa sang iya balay sang 2017.
Nakit-an gid ang buli sini kag nabuyagyag man ang iya lugar nga gilayon nga naglapta sa social media.
Ginpahayag sang lalaki nga ginkadlawan siya sa iya trabaho kag sa mga kaingod sini.
Bangud sini, nagpasaka ini sang kaso sa tech giant apang ginbasura sang korte sa rason nga naglinakat ini sa gwa sang iya balay samtang naga-uba.
Apang nag-apelar ini kag ginpaboran sang korte kun sa diin ginapabayad ang nasambit nga tech company sang $12,500 ukon P711,000.
