Dakop ang isa ka persona matapos nga nagpangawat sang motorsiklo sa Bangga Cory, Barangay Taculing, Bacolod City kaina ala 01:00 ang takna sang hapon, Enero 25, 2025.
Ang motorsiklo ang ginapanag-iyahan ni Hermis Voronel, 43 anyos kasado kag residente sang nasambit nga lugar.
Ang suspek ang ginkilala kay Alyas Wil, 24 anyos, lalaki, single kag residente sang
Prk. Makawiwili, Brgy, Pta.Taytay, Bacolod City.
Santo sa imbestigasyon sang mga kapulisan, nakita sang witness nga si Macbel nga ginatulod sang suspek ang motorcycle Kawasaki auro 110 color black/ green, gilayon niya ginpahibalo ang tag-iya kag upod ang mga bystanders sa lugar, nadakpan sang mga ini ang suspek apang bangud nagbato ini, nagluntad ang komosyon kun sa diin nagresulta sa pag-angkon sini sang samad nga ginbulong man sang responder sang Bacolod City Disaster Risk Reduction Management Office.
Sa karun nakahunong na ini sa Bacolod City Police Station 6 kag natalana nga pasakaan sang nagakaigo nga kaso.
