May mga hitabo sa atun kabuhi nga kita ang nagakasala ukon nasal-an kaangay lamang sang lalaki nga dyutayan lamang ma-cremate nga buhi sa India.
Apang ginkakibot sang ang 25 anyos nga lalaki ang hinali nga nagbugtaw kag naghulag sang ini ang yara na sa sulod sang funeral pyre pila ka segundos antes paman sunugon.
Gindala sa ospital ang pasyente nga ginkilala kay Rohitash Kumar sang Nobyembre 21.
Suno sa report, nagsuprer siya sang epileptic seizure kag gindeklarar sang doktor nga dead on arrival.
Apang imbes nga magpatigayon sang required nga postmortem agud masiguro ang rason sang iya kamatayon, ginpadala gilayon sang doktor sa mortuary ang lawas ni Kumar agud nga sunugon santo sa Hindu rites.
Ginpahayag pa ni Dr. Singh, chief medical officer sang ospital, nga nagpreparar ang isa ka doktor sang postmortem report bisan nga wala man nakapatigayon sang postmortem examination.
Suno kay Singh, pila lang ka segundos antes nga masindihan ang pyre, naghulag ang lawas ni Kumar kag natukiban nga ini ang buhi kag nagaginhawa pa.
Gilayon naman nga gindala sa ospital si Kumar sa ikaduha nga tion apang napatay man sang Nobyembre 22.
Ginsuspender na sang mga otoridad ang serbisyo sang tatlo ka mga doktor nga involved sa natalana kuntani nga cremation, samtang nagpatigayon na sang imbestigasyon ang kapulisan.
