Lamok, first time nga nakit-an sa iceland nga ginalantaw tuga sang global warming

Nadiskubrehan ang pila ka mga lamok sa Iceland sa labing una nga tion kadungan sang padayon nga pagtaas sang temperatura sa rehiyon bangud sa global warming.

Suno sa report sang Iceland Review, nga gindumdom ni Björn Hjaltason, isa ka insect enthusiast nga “strange fly” ang tatlo ka mga lamok nga nadakpan niya sang Oktubre 16.

Ginkumpirmar naman sang Icelandic Institute of Natural History nga mga lamok ang nakit-an ni Hjaltason kag ginatawag ang mga ini nga “Culiseta anulata” ukon sahi sang lamok nga nagakabuhi sa matugnaw nga klima.

Nahibaluan nga may presensya sang mga lamok sa halos bug-os nga kalibutan magluwas sa Antarctica kag Iceland bangud sa tuman nga katugnaw sang ila nga klima.