Kalakip ang Pinay aktres nga si Jaclyn Jose sa mga nagtaliwan nga mga celebrity nga gindumdom sa nakaligad nga Academy Awards nga kilala man bilang Oscars sa Holywood.
Sa website sang awarding body, ginpagwa sini ang bug-os nga listahan sang “Oscars In Memoriam,” kun sa diin ginkilala sini ang “friends and colleagues we lost over the last year.”
Kalakip si Jaclyn sa mga celebrity kag personalidad nga kalakip sa listahan kasubong man ang “Gossip Girl” kag “Buffy the Vampire Slayer” star nga si Michelle Trachtenberg, kag madamo sang iban pa.
Sa Instagram Stories, ginpakigbahin ni Andi Eigenmann ang screenshot sang listahan sang “Oscars In Memoriam” nga kalakip ang iloy sini.
Sa awarding ceremony sang Oscars 2025, ginpangunahan ni Morgan Freeman ang segment nga “Oscars In Memoriam”, nga nagakilala sa mga personalidad nga nagtaliwan sadtong 2024.
Si Jaclyn Jose, ukon Mary Jane Guck sa matuod nga kabuhi ang ginbun-ag sang 1963 ang nagtaliwan sadtong Marso 2, 2024.
Nagsikat ini sang 1980s kasunod sang pagplay sini sang role sa “White Slavery” ni Lino Brocka kag “Private Show” ni Chito Roño.
Sang 2016, nagdaog si Jaclyn bilang Best Actress sa Cannes Film Festival para sa iya pagplay sang role sa “Ma’ Rosa” ni Brillante Mendoza.
