Lima ka bag-o nga ginaalegar mga biktima sa pagpang-abuso ni Kingdom of Jesus Christ (KOJC) leader Pastor Apollo Quiboloy ang nagpalapit sa mga otoridad.
Ang mga biktima ang ginaalegar ginhambalan nga pases agud makalab-ot sa langit amu ang makighilawas sa “espiritu sang diyos.” Nagapati naman ang kampo ni Quiboloy nga mabasura ang nasambit nga mga kaso.
Sang Huwebes, gintawag ni PNP spokesperson Police Colonel Jean Fajardo nga “horrible” ang detalye nga ginhatag sang mga biktima may kaangtanan sa ila mga naagyan kay Quiboloy.
Suno kay Fajardo, medyo sensitibo ang mga detalye nga ginhatag sang mga biktima kag indi sini mag-imagine nga ginmolestiya ang mga ini ni Quiboloy sa edad nga 12 ukon 13-anyos.
Suno diri, ginhambalan ang mga ini nga pases nila agud makalab-ot sa langit ang pagpakighilawas kay Quiboloy kag pagkatapos sini, sila ang ginhambalan nga “pure” pa ang mga ini kag intact pa ang ila pagkababaye bangud sila ang nakighilawas sa “espiritu sang diyos.”
Ginpahog man ang mga ini nga kun ila gub-on ang code of secrecy kag isugid maskin kay sin-o ang ila naagyan sa kamot ni Quiboloy, sila ang pangitaon sang “angels of death.”
