Apat sa lima ka mga empleyado sang Office of the Provincial Agriculturist (OPA) nga nagapangatubang sang reklamo ang magapasa sang position paper sa Negros Occidental Provincial Legal Office samtang ang isa diri ang magapaidalom sa hearing.
Sa interview sang Bombo Radyo Bacolod kay Provincial Legal Officer Atty. Alberto Nillas, natalana na ang first hearing ni Engineer Jimbo Garsula sa Oktubre 13 samtang sanday Engineer Ramelo Letran, German Abihay kag Rezin Palacious kasubong man si Maria Luisa Abano ang magapasa sang tagsa-tagsa nga position paper.
Nahibaluan nga ang mga empleyado ang nagkomiter sang grave misconduct kag misuse of government property kag mangatubang sang dismissal nagikan sa serbisyo kag perpetual disqualification kag pagpungko sa position sa gobyerno.
Madumduman nga nag-ugat ang reklamo sa lima ka mga empleyado sang ginreklamo ang mga ini sang driver sang ila service vehicle kun sa diin naghulat ini tubtob mag alas 8:00 sang gab-i sang Hulyo samtang nagpatigayon sang official travel sa Victorias City.
