Nabaton na sang local government unit sang Bacolod ang listahan sang mga etrike operators sa ciudad sang Bacolod.
Suno kay Bacolod City Administrator Dr. Lucille Gelvolea, nakabaton na sila sang lista sang mga etrike operators gikan sa 57 ka barangay sa ciudad sang Bacolod.
Suno kay Gelvolea, ginafollow up niya pa ang iban nga mga barangay nga wala pa nakapasa bangud tubtob nalang subong nga adlaw ang pagpasa sang lista sang mga ini.
Suno diri, ginaconsolidate kag ginavalidate nila ang mga listahan agud nga magpreparar sang mga stickers para sa tagging sang mga nakaregistered nga etrike operators.
Suno kay Gelvolea, nagapatigayon sila sa karun sang number kag color coding para sa mga etrike nga nagabiyahe sa kada barangay.
Suno diri ang mga barangay ang may yara na sang natumod nga routa para sa nagabiyahe nga etrike sa ila nga barangay.
Nagpanugyan man ini sa mga etrike operators nga magsunod sa mga pagsulundan agud nga indi sila pagdakpon kag makapadayon sa pagbiyahe.
