Patay ang isa ka lola matapos nga ginbuno sang iya apo sa SP Village, Barangay Pahanocoy, Bacolod City kahapon, Pebrero 23, 2025.
Ginkilala ang biktima nga si Erna Araiz, 66 anyos samtang ang suspek amo si Jerian Araiz, 19 anyos kag residente sang nasambit nga lugar.
Sa exclusive interview sang Bombo Radyo sa utod sang suspek, naghulam sang cellphone ang ila iloy sa ila Lola apang wala nagpasugot ang biktima.
Kasunod sini, nagbaisay ang duha, kag bangud nagalungan ang suspek nagkuha ini sang patalom kag hinali na lamang ginbuno ang iya lola.
Ang biktima ang gindala pa sa Corazon Locsin Montelibano Memorial Regional Hospital apang gindeklarar nga dead on arrival.
Dugang pa sang utod sang biktima, nga ginlantaw lamang sang iya iloy kag sang iya tiyo sang mabun-an sang suspect ang ila iloy.
Gin-alegar man sini nga mahimo ginpulihan pa sang tatlo buno ang ila lola samtang ginpahayag man sini nga nagagamit sang illegal nga druga ang iya iloy kag tiyo bangud makapila na niya ini madakpan apang siya ang nagahipos na lamang.
Paandam pa sini sa iloy nga indi na magpakita sa ila, bangod ini ang ila nga ipapriso.
Wala ang ila amay sang natabo ang pagpamuno bangud ini ang nagatrabaho sa banwa sang Murcia.
Samtang ginpahayag naman sang station commander sang Bacolod Police Station 8 nga nakahunong na sa ila estasyon ang suspek.
Sa interview sang Bombo Radyo Bacolod kay Police Captain Greeky Cayao, station commander sang Bacolod City Police Station 8, santo sa ila imbestigasyon ang biktima ang ginbuno sang suspek bangud gina-alegar ini nga may deperensya sa paminsaron ukon nagasuprer sang depression.
Suno kay Cayao, ginapaimbestigaran niya pa kun ano pa gid ang natabo antes nagluntad ang insidente sang pagpamuno.
Nakahunong sa Bacolod Police 8 ang suspek kag ginahulat nalang ang desisyon sang pamilya kun magapasaka pa sang kaso.
