Antes paman ang alas-7:00 sang kaagahon, nagtipon na ang mga drivers kag operators sang unconsolidated traditional jeepneys kasubong man mga drivers kag operators sang mga nagsulod sa Public Utility Vehicle Modernization Program, apang nagapati nga ini ang madamo sang kapalpakan, kasubong man pila ka mga commuters.
Ang labing una nga State of the Transport Address (SOTA) ang ginpangunahan ni Kabakon Negros Transport Coalition Incorporated (KNETCO) President Lilian Sembrano.
Ang programa ang ginpatigayon Nationwide antes paman ang State of the Nation Address (SONA) ni President Ferdinand ‘Bongbong’ Marcos Jr.
Suno kay Sembrano, sila na lamang ang nagpatigayon sang State of the Transport Address ilabi na nga wala gid matalakay ang sitwasyon sang sektor sang transportasyon sa naglabay nga State of the City Address (SOCA) ni Bacolod City Mayor Alfredo ‘Albee’ Benitez kag State of the District Address (SODA) ni Congressman Greg Gasataya.
Sila ang nagapanawagan nga mabalik ang 5-year franchise sang mga traditional jeepneys.
Ginpanawagan man sang mga ini ang gilayon nga pagpahalin kay Bacolod Traffic Authority Office (BTAO) Head Patrick Leonard Lacson.
