Handum sang duha ka tawo nga magpangabuhi nga single kag ihalad ang ila kabuhi sa Ginoo, apang sila nga duha para gali sa isa kag isa.
Ini ang love story sang isa ka couple sa Brazil.
Si Lais Dogini, nagapreparar na para mangin madre samtang si Jackson Dognini naman may plano nga mangin pari.
Duha ka tuig nga nangin Carmelite sister si Lais tubtob nga nangin novice samtang si Jackson naman isa ka Philosophy professor nga lima na ka tuig nga nagatinir sa seminaryo.
Suno kay Lais, anum ka tuig na sila nga magkakilalahay apang wala man sila naga-esturyahanay.
Samtang yara sa kumbento, na-diagnose si Lais sang dysthymia nga isa ka klase sang depression amo nga kinahanglan sini nga magbiya sa kumbento.
Matapos ini, nagmensahe si Jackson sa iya nga ginapangamuyoan sini ang iya pag-ayo.
Matapos ang pila ka bulan, liwat sila nga nagkitaay sa subsription sa Catholic library kag makaligad ang pila ka tuig, nabatyagan ni Jackson nga indi para sa iya ang mangin isa ka pari kag amo nga naghalin siya sa seminaryo.
Nanugid si Jackson kay Lais kun ano man ang iya gaka-eksperyensyahan kag nagpasalig si Lais nga ginapangamuyoan niya ini.
Tubtob nga isa ka adlaw, ginhagad siya ni Jackson nga magsimba, kag didto na nag-umpisa ang ila love story, kag sa karun ginkasal na sila nga duha.
Pahayag ni Lais, mas naintindihan na sini sa karun ang ginahambal nga may mas maayo nga plano ang Ginoo para sa tawo.
