Subong nga Martes, may-ara kita sang ginamonitor nga Low Pressure Area sa gwa sang Philippine Area of Responsibility.
Ang LPA ang ulihi nga nasiplatan sa 1,350 km sa nasidlangan sang Northeastern Mindanao.
Dako ang tyansa nga ini ang mangin Bagyo sa masunod nga 24 oras, samtang dako man ang tyansa nga ini ang magasulod sa PAR subong nga adlaw.
Hinali nga ini ang mangin Bagyo, ini na ang ikaduha nga Bagyo sa Pilipinas nga hingadlan bilang Bagyo BASYANG.
Ini ang ginalauman nga magahulag sa East Northwest nga dereksyon kag magalabay sa tunga sang Visayas kag Mindanao halin sa Huwebes, lapos sa Palawan sa Weekend.
Padayun ang pahanumdom sa pumuluyo sa nasambit nga mga lugar nga mag-aligmat bangod sa posibilidad sang mabaskog nga mga pag-ulan.
Sa karun, padayun nga naga-apekto sa nasidlangan nga bahin sang Visayas kag Mindanao ang Shear Line ukon ang linya kun sa diin nagasugat-anay ang Hangin gikan sa Northern kag Southern Hemisphere.
Ini amo ang makita nga cloud clusters sa nasidlangan nga bahin sang pungsod.
Samtang sa karun, wala pa nagaapekto sa diin man nga bahin sang pungsod ang LPA.
Samtang ang Northeast Monsoon ukon Hangin Amihan ang nagaapekto naman sa bilog nga Luzon.
