Magabalik sa normal ang plete kasunod sa pagmando ni President Ferdinand Marcos Jr. nga i-suspender ang fare hike sa mga pampubliko nga transportasyon.
Ang desisyon ang ginpagwa sang Presidente isa ka adlaw matapos gin-aprubahan sang Land Transportation Franchising and Regulatory Board (LTFRB) ang fare increase, kun sa diin ang base fare sang traditional jeepney ang kuntani pasakaon sa P14 samtang ang base fare sang modernized jeepney ang mangin P17.
Sa interview sang Bombo Radyo Bacolod kay LTFRB-NIR Director Atty. Gerry Llena, magabalik na sa P12 ang plete sa traditional jeepney kag P15 naman ang base fare sang modernized jeepney.
Suno kay Llena, wala sila sang may mahimo angot sini bangud sila ang nagasunod lamang sa mando sang Presidente.
Suno diri, gilayon man nga nagpaggwa ang LTFRB sang announcement kasunod sa pag-anunsyo sang Presidente kahapon.
Paathag sini nga ang LTRFB-NIR ang naga-monitor sa mga annoucement sang central office sang LTFRB, Department of Transportation kag sang Presidente sa dugang pa nga mga update.
Mensahe sini sa mga commuters nga gilayon i-report sa LTRFB kun may ara sang driver ukom transport sectors nga wala nagasunod sa insakto nga plete.
