Nagpaandam ang Land Transportation Office sa publiko batok sa mga fixers nga nagatanyag sa ila nga magproseso sang driver’s license ukon student permit nga libre.
Ini matapos may nagfile sang complaint batok sa isa ka online fixer nga ginaalegar nagtanyag diri sang “package deal” agud makakuha sang student’s permit.
Suno sa complainant, indi na kinahanglan sang meet-up kag lunsay online ang ila mga transaksyon.
Gintanyagan sang fixer ang complainant sang P4,300 nga package deal nga ginalakipan sang isa ka student permit, isa ka theoretical driving course kag medical examination nga sarang nga maproseso sa sulod lamang sang isa ka adlaw.
May yara man sang isa ka empleyado sang LTO nga nabiktima sang online fixers matapos gingamit ang iya pangalan.
Nagpanugyan si LTO chief assistant secretary Edgar Galvante sa publiko nga magpatigayon lamang sang transaksyon sa mga LTO officials sa ila opisina.
Suno diri, kanugon ang mga persona nga nagagamit sang fixers bangud kun ano ang matabo sa mga ini, indi sila maprotektahan sang peke nga lisensya kag kun madakpan, magapangatubang pa sang kaso.
