Nagpasalig ang regional director sang Land Transportation Office-Negros Island Region nga madakpan gid ang naghimo sang “gas and go” sa ciudad sang Bacolod kag Talisay City.
Sa interview sang Bombo Radyo Bacolod kay Jeck Conlu, padayon Ang ila backtracking.
Suno kay Conlu, ang naghimo sang gas and run sa Barangay Taculing kag sa Barangay Zone 7 sa Talisay City ang isa lang.
Suno diri, sa bahin sang LTO, administrative case ang kaso nga mahimo ipasaka sa tag iya ukon driver sang salakyan kasubong man ang revocation sang drivers license samtang sa criminal case naman ang kapulisan na ang makahibalo.
Dugang pa sini nga lain man ang nag gas and run sang Pebrero 27.
Una na nga ginkumpirmar sang Talisay City Police Station nga natumod na nila ang driver kag gisettle na sang ginikanan sini ang bayad sa gintughong sa gasolinahan sa Talisay, kasubong man sa ginrentahan sang salakyan.
Pahanumdom ni Conlu, apisar nga nasettle na nila ang acounts sa gas station, ang driver ang may salabton pa sa LTO, kag ini ang indi makapalagyo sa ila.
