Wala ginalauman sang mga residente ang pagluntad sang mabaskog nga snowstorm sa Florida, USA.
Sa interview sang Bombo Radyo Bacolod kay Maricar Mijares, Bombo International Correspondent sa Tampa, Florida, wala nakaandan sa Florida ang pagluntad sang blizzard ukon snowstorm gani ini ang wala napreparahan.
Apang aminado si Mijares nga manubo pa lamang ang snow kun ipaanggid sa mga lugar nga kada tuig naga-eksperyensya sang blizzard kaangay sang Chicago, Illinois.
Si Mijares ang gikan sa Chicago antes ini magsaylo sa Florida sang 2007.
Suno diri, ang snow sa Chicago ang nagadangat sa tuhod ang kadamulon, samtang ang Winter Storm Enzo sa Florida ang yara pa lamang sa apat tubtob lima ka pulgada ang nabubo nga snow.
Pahayag sini nga sa masami, may ginabasehan nga level sang snow, antes nagadeklarar sang suspension of classes kag office.
Suno diri, na-experience sini ang pinakamalala nga snow storm sa Chicago sang 2006 nga naglawig sang isa ka semana, samtang ang blizzard nga nag-umpisa sang Pebrero ang nagdangat sa Abril antes dalayon nga natunaw.
Isa naman sa masami nga problema sa kaangay nga sitwasyon amo ang kakulangan sang plow trucks.
Aminado si Mijares nga indi tuman ka mabatyagan ang mabaskog nga snow sa ila bangod sila ang yara sa natunga nga bahin sang Florida, samtang ang snowstorm ang nagabayo sa Northern part ukon sa bahin nga malapit na sa Georgia, nga masami gid nagasnow.
