Magapangatubang sang penalidad ang mga madakpan nga ilegal nga nagahaboy sang basura sa ciudad sang Bacolod.
Sa interview sang Bombo Radyo kay Councilor Homer Bais, chairman sang Committee on Environment and Ecology sa Sangguniang Panlungsod, apisar nga nakuha na sang International Solid Waste Integrated Management Specialists, Inc. (ISWIM) ang backlogs nga ginatawag “mini dumpsites,” naandan na sang pila ka mga tawo nga maghaboy sang basura sa indi husto nga halabuyan.
Suno kay Bais, may ara na sang regular schedule nga gin-release ang ISWIM sa pagkuha sang basura sa tagsa ka mga barangay samtang may idugang pa nga isumiter sa Bacolod Environmental and Natural Resources Office (BENRO), apang sa karun ang inisyal nga schedule anay ang pagasundon.
Suno diri, may ara sang mga personnel nga iga-deploy nga maga-monitor kag magadakop sa mga ilegal nga nagahaboy sang basura.
Suno kay Bais, may GPS system ang tagsa ka garbage trucks gani mamonitor kun sila ang nakalabay gid man sa mga nagakaigo nga routa.
Suno diri, kun nakacolor green ini, nagakahulugan nga naga-andar ang garbage truck samtang kun nakacolor red naman, ini ang nagapondo kag nagahakot sang basura.
Dugang pa sini, nga ang pagdeploy sang mga kapulisan ang agud mapadasig kag mapabilin ang katinlo sa ciudad.UNGSOD
