Nakatalatana nga magaatubang sa korte sang Amerika si Venezuelan President Nicolas Maduro matapos siya nga gin-aresto.
Ini santo sa gin-post sang US Attorney General nga si Pam Bondi sa iya social media subong nga adlaw sang Sabado, Enero 3, 2026.
Gintuhoy ni Bondi ang indictment batok kay Maduro nga gin-akusahan sang “Narco-Terrorism Conspiracy, Cocaine Importation Conspiracy, Possession of Machineguns and Destructive Devices, and Conspiracy to Possess Machineguns and Destructive Devices against the United States.”
Nahibaluan nga ginpasakaan sang kaso si Maduro sang Southern District of New York sang 2020, apang indi pa klaro sa karon ang insakto nga ginhalinan sang Venezuelan President.
Ginpasalamatan man sang US Attorney General si US President Donald Trump kag ang US military, nga nagpatigayon sang iya ginatawag nga madinalag-on nga misyon agud madakpan ang duha ka international narco traffickers.
Una na nga gin-anunsyo ni Trump subong nga adlaw sang Sabado, nga naaresto na si Maduro upod ang First Lady nga si Cilia Flores matapos ang ginlunsar nga large-scale strikes sang US military sa Venezuela.
