BACOLOD CITY – Pormal na nga ginkasuhan sa Office of the Ombudsman ang maestra sa ciudad sang Bacolod nga nagsugo sa iya mga estudyante nga kastiguhon ang classmate nga nag-absent.
Mismo ang Commission on Human Rights Negros Occidental ang nagbulig sa pamilya sang bata nga ipadala ang reklamo kay Ombudsman Conchita Carpio-Morales kahapon.
Suno kay CHR Negros Occidental head Romeo Baldevarona, kaso nga paglapas sa RA 7610 (Special Protection Against Child Abuse) kag RA 9745 (Anti-Torture Act) ang ginpasaka batok sa maestra nga si Rowelyn Bolinas.
Ginhinyo sang pamilya sang siyam ka tuig nga bata nga babayi nga kuntani dasigon sang Ombudsman ang imbestigasyon sa kaso kag papanaugan sang preventive suspension ang maestra agud indi anay makatudlo sa Rizal Elementary School.
Nahibaluan nga naglabhag ang buli kag hawak sang Grade 3 Section 8 pupil matapos ginbalbal sang glue stick sang masobra 40 niya ka mga classmates bangud nag-absent.
Nagpatigayon naman sang imbestigasyon ang Department of Educationkag Women and Children’s Protection Desk sang Bacolod City Police Office tuhoy sa kaso.
