Ginkumpirmar sang Bureau of Immigration nga nagtenir sa Pilipinas sa sulod sang pila ka semana ang mag-amay nga ginatudlo nga suspek sa mass shooting sa Bondi Beach sa Sydney, Australia.
Suno kay BI spokesperson Dana Sandoval, nagkadto sa pungsod sanday Sajid Akram, 50 anyos kag ang iya 24-anyos nga bata nga si Naveed Akram sang Nobyembre 1 kag nagpadulong sa Davao.
Ang mag-amay ang nagbalik sa Australia sang Nobyembre 28.
Nagguwa man sa impormasyon nga naggamit ang mag-amay sang Indian passport.
Madumduman nga ginhimo sang mag-amay ang pagpangluthang sang Disyembre 14 nga nagresulta sa kamatayon sang 15 ka tawo kag pagkasamad sang madamo nga iban pa.
Nahibaluan nga napatay ang amay samtang ang iya bata ang yara pa sa ospital matapos nga maigo sang bala sang pagbayluhanay sang lupok sa otoridad.
Nagapati ang mga otoridad nga konektado ang duha sa Islamic State terrorist (ISIS) bangud may nakita nga flag sang terorista nga grupo sa ila nga mga salakyan kag may-ara man sang improvised explosive device.
