Balantayan kun sin-o bala ang magahimo sang kasaysayan sa National Basketball Association (NBA) sa pag-atubangay sang Oklahoma City Thunder kag Indiana Pacers sa katapusan nga tion subong nga season.
Subong nga adlaw, Hunyo 23, alas 8:00 ang takna sa aga, patigayunon ang Game 7 sang NBA Finals sa Oklahoma City.
Sa ini nga hampang mahibaluan kun makuha sang Thunder ang ila pinakauna nga titulo humalin sang nagsaylo sila sa Oklahoma City sang 2008.
Ang franchise ang nagdaog sang titulo sang 1979 sa Seattle.
Samtang, ang Indiana naman ang nagatinguha nga makuha ang ila pinakauna nga NBA championship, apisar nga nakadaog ang Pacers sang tatlo ka ABA titles kun sa diin ang pinakaulihi diri ang nauyatan sang 1973.
Ika-10 nga NBA Finals Game 7 sa history sang liga kag pinakauna nga tion humalin sang ginlutos sang Cleveland Cavaliers ang Golden State Warriors sang 2016.
