Ginapamangkot ni Senator-judge Joel Villanueva si Securities and Exchange Commission (SEC) lawyer Atty Gerardo Del Rosario angot sa kinalain sang deklarasyon ni Vice President Sara Duterte sa iya SALN sangsa mga corporate records sang Gencorp Industries.
Suno kay Del Rosario, wala nagwa ang pangalan ni Duterte bilang stockholder sa Articles of Incorporation kag mga kasunod nga filings sang Gencorp nga gina-uyatan sang SEC.
Ginpamangkot man sang Senador kun posible nga makaangkon sang direct ukon indirect beneficial ownership bisan wala nakapangalan bilang registered stockholder.
Ginklaro sang testigo nga may Beneficial Ownership Information Form ang SEC para matumod ang ultimate beneficial owners sang isa ka kompanya.
Samtang, ginpahayag ni Del Rosario nga wala siya sang access sa nasambit nga dokumento gani indi niya makumpirmar kun may disclosure nga nagaangot kay VP Sara sa Gencorp bilang beneficial owner.
Samtang, sang ginpamangkot kun may dokumento ang SEC nga nagapakita nga personal nga nakigbahin si VP Sara sa mga corporate transaction ukon board activities sang kompanya, sabat naman ni Del Rosario nga wala siya sang gina-uyatan nga kaangay nga dokumento.
