Patay ang duha ka indibidwal samtang dose naman ang nasamaran matapos nga gintay-og sang magnitude 6.5 nga linog ang bahin sang southern Mexico sang Biyernes, Enero 2.
Ginkumpirmar sang state’s governor nga si Evelyn Salgado, nga isa sa mga biktima ang 50-anyos nga babayi ang napatay matapos maguba ang iya balay sa estado sang Guerrero kun sa diin, yara diri ang epicentre sang linog.
Dugang pa, isa ka lalaki nga ginabanta naga-edad 60 pataas ang napatay matapos siya matumba kag nadulaan sang animo sa munisipalidad sang Benito Juarez sa Mexico City,sang gin-evacuate bangud sa linog.
Ginpahayag ni Clara Brugada, ang head sang gobyerno sang Mexico City, nga matapos i-activate ang earthquake response protocol, ang pinaka-ulahi nga report ang narecord nga may dose ka tawo nga nasamaran, kag may 18 complaints bangud sa kakulangan sang supply sang kuryente sa nagkalain-lain nga mga barangay.
Gindugang pa niya nga may duha ka estruktura ang gina-evaluate kag posible nga maga-collapse kag 34 ka mga building kag lima ka mga balay ang ginainspeksyon bilang preventive measure.
Santo sa National Seismological Service sang Mexic, ang linog natabo alas-7:58 sang aga (1358 GMT), kag ang epicentre sini ang yara sa apat ka kilometro sa southwest of San Marcos sang San Marcos sa southern state sang Guerrero kag may kadalumon nga lima ka kilometro.
Ang mga loudspeaker sa dalan sa ciudad sang Mexico ang nagpagwa sang seismic alert pila ka segundo antes nabatyagan ang paglinog.
