UPDATE – Nagpanago pa sa buho sa duta ang magulang nga nagpatay sa tatlo niya ka mga manghod sa Sitio Palala, Barangay Marcelo, Calatrava, Negros Occidental, antes nadakpan sang mga residente, Domingo sang aga.
Suno kay Punong Barangay Jeremias Diotay, nagpanago si Johnmark Melibo sa iya payag-payag nga malapit man lang sa ila balay matapos nga iya nakomiter ang krimen, Sabado sang hapon.
Sang Domingo sang aga, may nakakita nga mga residente nga ara sa payag si Johnmark gani ginpalibutan ini sang mga tawo lakip na sang mga barangay tanod.
Suno kay Diotay, nagpanago si Johnmark sa buho nga gintabunan niya sang lukay.
Ginsunog sang mga ini ang lukay gani napilitan si Johnmark nga maggwa.
Wala na ini sang dala nga kutsilyo kag wala naman nagbato sa mga pumuluyo gani natigayon ini nga maturn-over sa kapulisan.
Suno sa punong barangay, target sang suspetsado nga indi magkaon sa sulod sang 41 dias kag may target man nga numero sang tawo nga pagapatyon kag nakakurit ini sa iya butkon.
Kutsilyo ang gingamit sang suspetsado sa pagkurit sa iya butkon.
