Nanindugan ang Malacañang nga may kinamatarong ang Office of the President nga makaangkon sang confidential kag intelligence funds ilabi na nga si President Ferdinand “Bongbong” Marcos Jr. ang commander-in-chief kag chief architect sang national policy kag national security.
Suno kay Palace Press Officer Undersecretary Claire Castro, kinahanglan sang pondo sang Presidente para sa mga aktibidad kag proyekto may kaangtanan sa pagbantay sang seguridad sang pungsod.
Ini matapos ginkwestiyon sang pila ka mga kritiko ang confidential kag intelligence funds sang Office of the President sa idalum sang 2026 National Expenditure Program.
Ginpunto ni Castro nga indi malain ang confidential kag intelligence funds kun ini ang pagagamiton sang insakto.
Dugang pa sini nga ini ang nangin malain lamang kun ginagamit sa sala sang isa ka corrupt nga opisyal.
