Nagpaandam ang Presidential Communications Office (PCO) nga indi magpati sa mga nagagwa nga peke nga mga medical report ni President Ferdinand Marcos Jr.
Suno sa PCO nga ila ginakondenar ang pagpalapta sang nasambit nga peke nga medical report nga gina-alegar nga nagikan sa nasambit nga ahensya.
Dugang pa sini nga maathag nga ginpeke ang nasambit nga medical information nga nakasaad didto kag ini ang paglapas sa rights to privacy sang presidente.
Gin-engganyo nila ang publiko nga magpati lamang sa mga ginapagwa sang mga authorized government sources.
Nagpagwa naman sang pahayag ang St. Lukes Medical Center nga ginapanginwala nga may ginpagwa ang mga ini sang kun ano man nga medical test result sang presidente.
Suno pa diri nga maathag nga peke ang nasambit nga dokyumento bangud sa ginarespeto sang mga ini ang confidentiality sang pasyenta kasubong man ang data privacy.
