Indi magnubo sa 37,678 na ka pamilya sa Western Visayas ang nakabaton sang family food packs nagikan sa Department of Social Welfare and Development (DSWD) Region 6 matapos ang paglaslas ni Bagyo Paeng.
Sa interview sang Bombo Radyo kay Therese Fely Legaste, information officer sang Disaster Response Management Division sang DSWD Region 6, as of 5:00 pm kahapon, nagdangat na s 298,708 ka pamilya ang naapektuhan sang bagyo ukon 1,130,651 tanan ka mga persona nagikan sa 1,865 ka mga barangay sa Western Visayas.
Suno diri, nakahatag na ang ahensya sang P22.1 million nga assistance sa mga naapektuhan nga pumuluyo.
Nalakip sa mga family foodpacks nga ginapanagtag ang anum ka kilos sang bugas, lima ka kape, lima ka cereals kag napulo ka canned goods.
Magluwas sa foodpacks, nagapanagtag man sila sang non-food items kag financial assistance.
Suno kay Legaste, nagapadayon ang ila coordination sa mga local government units nga amu ang nagasend sa ila sang report kag request para sa augmentation.
May yara naman sila sang quick response team nga nakabase sa ciudad ukon probinsya agud magmonitor sang mga distributions kag releases.
