Madamo sa atun ang nakahuyugan na nga magtulon sang liso sang mga prutas nga masarangan tunlon.
Samtang may iban na naman nga mas makasarang magtulon sang dalagko pa nga mga butang.
Apang na-imagine nyo na ayhan magtulon sang buhi nga isda?
Kaangay sa 23 anyos nga mananagat sa Cebu, nga ginbawian sang kabuhi matapos aksidente nga matulon ang isa ka buhi nga isda.
Suno sa iya nga live-in partner nga nag-upod sa pagpanagat ang biktima.
Sa pagbutong sang pukot, isa sa mga nakuha nga isda ang ginkuha sang biktima kag ginkagat sa ulo.
Apang sang nagpisik ang isda, ini ang deretso nga nagsulod sa iya bibig.
Apang ang isda ang nagsupon sa iya nga tutunlan gani ini ang indi makaginhawa.
Wala pa nahibaluan kung ano kadako ang isda nga iya natulon bangod nagbanog na ang iya nga tutunlan.
