Para sa pinuno sang Manny Pacquiao Promotions (MP Promotions) indi na kinahanglan ang rematch sa tunga nanday Manny Pacquiao kag Mario Barrios.
Suno kay Sean Gibbons, dapat mapadayon na ang Filipino icon sa mas dalagko nga match batok sa dalagko nga mga pangalan.
Suno diri, para sa iya napierde ni Pacquiao si Barrios kag indi na kinahanglan pa sang rematch.
Madumduman nga natapos ang match sang duha sa majority-draw result kun sa diin yara sa gihapon kay Barrios ang WBC welterweight title.
Gin-athag man ni Gibbons nga nanamian ini kay Barrios apang para sa iya sa 12 rounds wala sang may nahimo nga special performance si Barrios.
Pahayag ni Gibbons bangod sa nangin resulta sang match, kaangay nga naglas-ay man ang pagpalangga sini sa boxing kun sa diin ginkawatan si Pacquiao sang tsansa nga maghimo sang kasaysayan.
