Nagapasalamat si Maricel Soriano sa pag-ayo sang iya kondisyon matapos ginpaidalom sang discoplasty para sa iya spinal arthritis sa Singapore.
Ginpahayag ni Maricel nga wala siya gin-operahan kundi gin-ubrahan siya sang robotics sa likod pinaagi sa discoplasty kun sa diin isa ini ka proseso nga wala nagakinahanglan sang pag-utod ukon pag-ilis sang spine disc.
Suno sa singaporebrain.org, ang discoplasty amo ang treatment sang spine disc nga nagapanubo sang pressure nga nagaresulta sang disc protrusion ukon kasakit kag pagpalaminhod sang kalawasan.
Ginpabutyag man ni Maricel ang iya eksperyensya sa kabudlayan sa paglakat kag pagmanhid sang iya mga tiil bangud sang arthritis sa spine kag pinched nerve.
Ginpaathag man ni Maricel sa tanan ilabi na ang mga may kapareho niya nga sitwastin, nga importante ang pagsalig, paglaum kag pagpati nga may yara sang himala bangud kita tanan ang ginahigugma sang Diyos.
